Жастин, Жессика нар Итали руу романтик аялал хийжээ
Мягмар гаригт дуучин, жүжигчин Жастин Тимберлэк сүйт бүсгүй Италийн Нэплийн гадаа романтик зоог барьж байхдаа гэрэл зурагчдын дуранд өртжээ. Эх сурвалжуудын мэдээлж буйгаар, сүй тавьсан хосууд анх удаа Италийн өмнөд хотод ирж байгаа аж.
Тэд хөдөө нутаг руу жолоо залж, пицца идэхээр хэсэг саатаж, дээд зэрэглэлийн тансаг зочид буудалд хоёр хоног тухалсан байна. 30 настай Бил, 31 настай Тимберлэк нар тэндээс хөдөлж, Италийн ер бусын гайхамшигтай Берналда хот руу хөдөлж, Палаззо Маргеритад буудаллажээ. Домогт найруулагч Фрэнсис Форд Копполагийн эзэмшилд байдаг, охин Софиягийнхаа хуримыг нижгэр хийсэн эртний загварын амралтын газарт байрласан байна.
Харин эх сурвалжууд хосуудыг ирэх зун энэ газарт хуримаа хийхээр товлож байж болзошгүй хэмээн таамаглаж байгаа юм. Тимберлэк өнгөрөгч 12 дугаар сард Воймингийн Жэксон ууланд Билээс өөртэй нь гэрлэхийг гуйсан билээ. Өнгөрсөн долоо хоногт Бил уг аялалд гарахаасаа өмнө Парист дэлгүүр хэсэн аялсан юм. Тэнд Жастины эрхэмсэг сүйт бүсгүй хуримынхаа даашинзыг сонгосон байж магадгүй хэмээн эх сурвалжууд мэдэгдлээ.
Б.Бурмаа /Noyon.mn/
URL: http://www.fact.mn/52139.html
