Дуучин С.Жавхлан Н.Энхбаярын намд нэгдэнэ

Дуучин, МУГЖ С.Жавхлан Н.Энхбаярын “Алдартай хувьсгалт” намд элсэхээр болжээ. Тэрээр үүнийгээ ч илэрхийлж, МАХН-ын онц их хурал дээр очих гэж байсан авч “Гал Үндэстэн” холбооных нь бусад удирдлагууд “Шууд дагаар ороод дэмий. Байдлыг харья. Нэгдэхдээ ёс, төртэй ярьж сууж байж нийлсэн нь дээр” хэмээн хориглон, очихгүй байхыг зөвлөсөн аж.
Гэсэн ч С.Жавхлан МАХН-ын онц их хурлын төлөөлөгчдөд өөрийн үзэл бодлоо сурталчилж, “Хөх Монголын дэг ёс” сониноо тараасан байна.
Ноён Бондгор тэргүүтэй түүний “хуурай дүү” нар өөрсдийн биеэр хурлын төлөөлөгчдөд сониноо тарааж байсан агаад “Манай Жавхаа ахын ярилцлага байгаа шүү. Сайн уншаарай” хэмээн байн байн захиж байлаа.

Б.Төгөлдөр