Хан Хүнс компани Хятадаас банш оруулж ирдэг үү?

Монголын Твиттерчид буюу жиргээчид нэгэн сонирхолтой жиргээ хийж байна.  Иргэний хөдөлгөөний О.Магнай гэдгээр нь сайн мэдэх болсон тэрбээр Хаан хүнс компани зарим нэг бүтээгдэхүүнээ урд хөршөөс оруулж ирдэг талаар жиргэсэн байв.

Түүний олж мэдсэн эх сурвалжийн мэдээлснээр, тус компани  цагаан сарын өмнөхөн 120 тонн банш гаалиар оруулж ирсэн гэжээ. Ямартаа ч энэ талаар албан ёсны тодруулга авахаар утсаар асуусан боловч Гаалийн Ерөнхий газрын хувьд байгууллага, албан нэгжийн дотоод үйл ажиллагааны талаар мэдээлэл өгөх боломжгүй гэсэн хариулт өгсөн юм.

Түүнчлэн Магнай талаар жиргэсний дараахан холбогдох албаны хүмүүс нь холбоо тогтоон Хятад үндэсний жууцаатай баншийг урд хөршөөс оруулж ирдэг бөгөөд махтай бууз болон баншаа Монголдоо хийдэг гэж тайлбар өгсөн  гэж мөн бичжээ.

Ямартаа ч энэ талаар Хаан хүнс компанийнхан албан ёсны мэдэгдэл хийх болов уу гэж найдаж байна.  Баримт болгох үүднээс зарим нэг жиргээг зураг болгон хавсаргав.