Л.Оюун-Эрдэнэ дээд шүүхийн гадна өлсгөлөн зарлана гэжээ

ЗГХЭГ-ын дарга Л.Оюун-Эрдэнэ дуулиан тарьсан томоохон хэргүүдэд байнга “санаа тавьж” явдаг хүн.
Тэрбээр 2020 оны 3 сарын 14-ний бямба гарагт СУИС-ийн урд байрладаг Modern Nomads уушийн газарт УИХ-ын хоёр гишүүн, мөн Иргэний хөдөлгөөний хоёр эрхэмтэй уулзжээ.
Л.Оюун-Эрдэнэ “Коронавирусыг шүүх сайхан далимдуулж байна аа. Шүүхэд очсон хэргүүд бүгд явахаа болилоо. Албаар хугацаа аваад байна. Явж явж ганц Гантулгыг л шийдэх шиг боллоо.
Бусад том хэрэг үндсэндээ бантан болж байна.
Заримдаа дэлбэрчих гээд байх юм.
Дээд шүүхийн гадаа өлсгөлөн зарлаад хэвтчихвэл шүүхэд нөлөөллөө гэх байх даа.
Гэхдээ тэр хэргүүдийг олон нийт анхаарах л хэрэгтэй байгаа юм” гэж ярьсан байна.
Л.Оюун-Эрдэнэтэй хамт байсан гишүүд, иргэний хөдөлгөөнийхэн яриаг нь дэмжиж байгаагаа илэрхийлж байжээ.