2020 оны олимпын бамбарыг хүлээлцэх ёслолыг хаалттай хийнэ

“Токио-2020″ олимпын наадмын бамбарыг хүлээлгэж өгөх ёслолыг энэ долоо хоногт Грекийн нийслэл Афин хотноо хийх ажээ.  Тэгвэл Японы талд олимпын бамбар хүлээлгэж өгөх ёслолыг коронавирусийн халдвартай холбоотойгоор хаалттай хийхээр болсон талаар Грекийн Олимпын хороо мэдээлжээ.

Энэ сарын 12-ны өдөр Токио-2020 зуны XXXII олимпийн наадмын галт бамбарыг Грек улсын эртний Олимпиа уулын бэлээс асаасан билээ. Энэхүү ёслолыг 1984 оноос хойш анх удаа ямар нэгэн үзэгчгүй зохион байгуулсан аж.  Мөн коронавирусийн тархалт Европыг хамарч байгаа энэ үед олон түмний анхаарлыг татаж, бөөгнөрүүлэхээс сэргийлэх үүднээс Грек даяар олимпын бамбар буухиалах ёслолыг ч цуцлаад байна.