Төв аймгаас сонгогдсон төрийн түшээ Су.Батболд эх хүнээс төрөөгүй гэнэ

Су.Бат­болд өчигдөр болсон УИХ-ын чуулган дээр эхээс тө­рөөгүй цэцэгнээс төрсөн хэмээн зарлаж, шившигтэй авир гаргав.

УИХ-ын ээлжит чуулга­наар байнгын хороодын дар­­га нарыг томилох, тө­­рийн ал­бан хаагчдын цалин тэт­гэ­вэр тэтгэмжийг нэмэг­дүү­лэх, төсөвт тодотгол хийх үеэр Төв аймгаас сон­гогд­сон УИХ-ын гишүүн Су.Батболд Мон­голын эмэг­тэй­чүүдийн дуу хоолой, тө­рийн түшээ болон суу­гаа УИХ-ын гишүүн Д.Оюун­хоро­лыг төдийгүй Монголын нийт эмэгтэйчүүд, эхчүүд рүү төрийн түшээ хүнээс га­­рам­­гүй бүдүүлгээр дайрч, давшилсан юм.

Тодруулбал Су.Батболд, Д.Оюун­хорол гишүүнтэй хуу­лийн төсөл ярилцаж бай­гаад юунаас болсон нь мэ­дэгдэхгүй гэнэтхэн л УИХ-н танхим дүүрэн, Л.Гүндалай гишүүнийг дув дуугүй болтол “Д.Дэмбэрэл дарга аа” гэж “хашгирч” байгаад эмэгтэй хүнийг хэлэх, хэлэхгүй үгээр доромжилж эх хүнээс төрөөгүй юм шиг авирлалаа. Түүнийг “хашгирах”-д нь чуул­ганы танхимд байсан Л.Гүн­далай гишүүнээс эх­лээд эрэгтэй гишүүд “Су.Батболд оо, ингэж аашлах нь чиний буруу. Эмэгтэй хүнийг дээд­лэх хэрэгтэй. Битгий цо­хиод авчихаарай” гэлцэв. Хөөр­хий Д.Оюунхорол гишүүн боловсролын тухай хууль, ард иргэдийнхээ тэтгэвэр тэт­гэмжийг хэдэн сарын өм­нө ч гэсэн нэмэгдүүлье гэ­сэн саналыг дэмжээд Су.Бат­болд­той хуулийн төслийн хү­рээнд ярилцаж байсан аж.

Чуулганаар байнгын хороодын гишүүдийг томи­лохоос гадна, төсвийн тодот­голыг хэлэлцэх гээд сонир­хо­лтой асуудлууд яригдаж бай­сан тул хэвлэлийнхэн бүгд цуглачихсан байсныг ч хэлэх үү. Сэтгүүлчид, хэв­лэл мэдээллийн бай­гууллагынхан Су.Батболдын уг доромжлолыг сонсчихоод “Эмэгтэй хүнээс гараагүй юм шиг ямар сонин ааштай хүн бэ. Энэ хүн цэцэгнээс төрсөн бололтой” хэмээн чуулганы танхимаар дүнгэнэтэл шуу­гисан.

Харин гэ­нэтхэн тэнэгт­сэндээ бантаж, байдалд ор­сон Су.Батболд нүүрээ нуух га­заргүй болж, чуулганы танхимаас гарч одсон юм.

Нөгөө талдаа Төв айм­гаас сонгогдсон эрхэм тү­шээ Су.Батболд эх хүнээс бус “Цэцэгнээс” төрсөн байж болох л доо. Гэхдээ л түүнийг сонгосон Төв айм­гийн иргэдийн 52 хувь нь  эмэгтэйчүүд гэдгийг эрх биш мэдмээр юм.

Хүний эрээн дотроо, могойн эрээн гаднаа гэдэг шиг ийм ухаан бодолтой хүнийг төрийн өндөрлөгт залчихаад, хуурамч дүрд нь итгэж суусан байна шүү сонгогчид бид.