Жүжигчин Л.Нурбулан хүнд өвчний улмаас таалал төгсжээ

Соёлын тэргүүний ажилтан, жүжигчин Л. Нурбулан таалал төгсчээ. Тэрбээр уушигны буглаа гэх оноштойгоор хүнд хагалгаанд орж, амжилттай болсон ч өвчин нь эргэн сэдэрч БНХАУ-д эмчлүүлж байсан юм. Олон мянган хүүхдэд инээд баясал, аз жаргал бэлэглэдэг байсан түүнд туслах зорилгоор өнгөрсөн оны аравдугаар сард “Дулаан сэтгэл” хандивын аян өрнүүлж, эмчилгээнд нь сэтгэлийн дэм өгч байсан билээ.

Нэрт алиалагч Латиф агсны хүү, чадварлаг жүжигчин, алиалагч гэдгээр нь монголчууд  түүнийг хүндлэн дурсах болно.