“Аль-Каида” бүлэглэлийн удирдагчийг Америкууд устгажээ
Арабын хойг дахь “Аль-Каида” бүлэглэлийн үүсгэн байгуулагч, удирдагч Касим аль-Римиг устгасан болохыг АНУ-ын Ерөнхийлөгч Дональд Трамп өчигдөр болсон хэвлэлийн бага хурлынхаа үеэр Цагаан ордноос мэдэгдлээ.
Тэрбээр Йеменд явуулсан АНУ-ын терроризмтой тэмцэх тусгай ажиллагааны үеэр алагдсан байна. Мөн Трамп “Түүнийг устгаснаар Аль-Каида бүлэглэлийн үйл ажиллагааг сааруулж, манай улсын үндэсний аюулгүй байдалд учрах аюул заналыг бууруулах юм” гэж дээрх мэдэгдэлд дурджээ.
Касим аль-Рими нь 2000 оноос хойш Барууны орнуудад болж буй террорист халдлагуудын өдөөн хатгагч байсаар ирсэн бөгөөд 2015 онд албан ёсоор Жихадист бүлэглэлийн толгойлогчоор сонгогдсон гэдгийг зарлаж байсан юм.
URL:
