ОХУ-аас Хятад руу долоон тонн амны хаалт илгээжээ

ОХУ-аас Хятад руу долоон тонн орчим амны хаалт илгээсэн бөгөөд энэ захиалга нь титэм вирус дэгдсэнтэй холбоотой гэж Regnum мэдээллээ.

Эхний тээвэрлэлт нэгдүгээр сарын 30-нд гарч хэдийнэ БНХАУ-д очсон бол ойрын өдрүүдэд дахин 1,5 тонн жинтэй ачаа нийлүүлэх гэнэ.

Эхний ээлжийн нийлүүлэлтээр 5000 хайрцаг эмнэлгийн халат, нэг сая амны хаалт, нэг удаагийн бээлийг Москвагаас Шанхай руу илгээсэн бөгөөд Шанхайд очсоны дараа бүтээгдэхүүнүүдийг эмнэлгийн байгууллагуудад хуваарилах юм байна.