Мэдрэлийн ядаргаа, депресс, сэтгэл гутрал, ЭМО
Чойрын богд минь гэж саяхныг хүртэл би чинь Монгол улсын цөөхөн хэдэн мэдрэлийн ядаргааны туйл, манлайлагч нь явсан билээ. Ойрд тэгтэл энэ чиглэлийн нөхдүүд борооны дараахи мөөг мэт олширч энд тэнд их л танил зохиолыг хүүрнэхийг нь харлаа. Нас нь залуужсан байна бүр санаа зовлоо. Хөрвөөсөөр байгаад үүр цайж байна гэнэ, олон өдөр сараар гөлийж байна гэнэ, унтсан хэрнээ ядраад сэрж байна гэнэ, дап дуп хийж цочин ямар нэгэн айдастай болж, амьсгал давхцаж, амьдрал утгагүй санагдаж, заримдаа бүр эрлэгтэй нэг юм хувааж уугаад тэнд нь очоод гэвтчихмээр оргиж байна гэнэ шүү. Би чинь одоо юун төлөө энэ сайхан марафоны урд олон жил гүйж яваа билээ хоёр үг холбож үлдээхгүй горьгүй боллоо. Өө тэгээд л амьдралд хэдүүлээ эморно, хайрлаж дурлана аймар том мунаар цохиулж унах мэт навс хаягдана, нийгмийн стресс нэмэгдэнэ, сэтгэлээ засах гэж архи ууна, бүр дордоно явж өгнө. Амаргүй. Ерөнхийдөө бол энэ бүхний эцэст СЭТГЭЛ гэдэг үл үзэгдэх эрхтэн өвдөж орхино. Нуруугаар хатгуулаад гэдэг шиг л зүрх сэтгэл руу хатгана. Онош байхгүй, очоод үзүүлвэл ер нь бүх зүйл эрүүл, ямар ч эмгэг байхгүй, гэхдээ л зовоод байна, нэг тийм зэтгэрийн ёрын яаж ч болдоггүй яагаад байгаа нь мэдэгдэхгүй ЭМО өвчин бол мэдрэлийн ядаргаа, сэтгэл гутрал юм. Panick Attack, Anxiety гээд төрлүүд бий. Сэтгэлзүйн бэлтгэлгүй явж байгаад гэнэт маш их цочирдох, цохилт авах үед үүсэж түүнээсээ гарч чадахгүй явсаар хүндэрнэ. Уул нь бид өдөр тутмынхаа амьдралд стресс асуудлаа гаргаж тайлж хэвших сурах хэрэгтэй. Удаан явсаар хэцүү байдалд орно. Тэгэнгуут нь юу юуны духанд хүрээгүй гүйж очоод ШАРХАДНЫ НЕВРОЗОД гэвтчихнэ. Ёозгүй гэдэг шиг галзуугын эмнэлэг гэдэг бодолдоо бүр дордоно, баахан унтуулах эм тайвшруулах тариа битмин комплекс уугаад л гэвтээд байна. 5 жил цуглуулсан сэтгэлийн өвчнөө 5 өдөр дуслаар бөмбөгдөөд л эдгэчихнэ гэж бодно. Неврозод биеийн хүчний ажил их хийдэг, үнэхээр ядарсан хүмүүс босоод л ирнэ, ЭМО түлээ нар бол нэмэргүй.
ГАРГАЛГАА. Амаргүй бас удна. Үүнийг хамгийн түрүүнд хүлээн зөвшөөрөх хэрэгтэй. Эдгэе гэвэл тууштай бас итгэлтэй бай. Гялс нэг эм уугаад л 2 тариа хийлгээд л эдгэдэг сэтгэлийн өвчин байхгүй. Уламжлалт анагаахаар бол хий хөдөлсөн, маш их хямарсан байна гэсэн үг. Дагаад дээд хий дунд хий доод хий шар бадгана гээд бий тэрийг мартья. Шөл устай юм сайн уу, хонины шөл уу, өглөө өлөн дээрээ нэг халбага шар тос ид, хавар цагт бүр илүү анхаар, өдөржин шөнөжин утас шагайдгаа боль, уул усаар яв, эртхэн унтаж амар, алкохолоор сэтгэлээ засдгаа боль, хобби хамгийн сайн чаддаг юмаа хий, хөгжим зураг иого бясалгалд даган баяс, хөлсөө гарга, хамгийн чухал нь ТОГТМОЛ ХӨЛС ГАРГА, стресс депрессэнд хамгийн сайн зүйл бол ХӨЛС юм, заавал фитнесд явах биш өдөр бүр шалаа угаасан ч болно хөлс гарах ёстой, охидууд шиг сайхан уйлчихаж чадахгүй юм чинь нэг аргаар биеэс гадагшаа юм гарганаа даа тэгээд л ойлгочих, уйлж чаддаг бол бүр сайн өдөр бүр УЙЛ ккк, тэгээд гол нь сэтгэл санаагаа өөдрөг байлгахыг хичээ. Энэ хараал идсэн өдрүүдээ л даваад туулчих, ганцаардлын өөрийгөө өрөвддөг энэ тэрээ одоо боль хэдэн мянган хүн ингээд тарчлаад гөлийгөөд хэвтжаагаа яааг адилхан, чи л савчаад байхгүй бол цаг хугацаа чамд бас туулаад өгнө, яг тэр зураасаар сэтгэлийн дархлаа сууна, дахиад ийм нохой новшын юманд мяараад эмороод хямраад байхаа болино, тэгэхээр энэ ер нь бол сайн зүйл. Бүр тэр үхэл амиа хорлох энэ тэр лүү битгий оч, үхчих гээд байгаа юм шиг санагдавч цаг нь болоогүй зүйл болоогүй л байдаг юм туулсан хүнд харин шагнал ирнэ.
Үүнийг өгүүлэгч би өөрөө ч гэсэн их тийм зааж сургаад байх нөхөр биш бөгөөд нөгөөдөр Өвөрмонгол руу энэ сайхан асуудлаараа эмнэлэгт явж байгаа бөлгөө. Би гэхдээ тэр аймар үеийг нь үнэхээр туулсан шүү, одоо бол эдгэх итгэл найдвар дүүрэн байна, ачаалал амьдралын хэмнэлээс болоод жаахан жаахан мяарсан шигээ л бүр зөвлөгөө энэ тэр бичээд солиоржоогооздээ ккк. Туулсан хүний зөвлөгөөн дунд ортой юм бий шүү, СЭМҮТ неврозод /Шар хадны ядаргааны соёлтой хэллэг хаха/ 4 удаа, Мамбадацанд 5 удаа хэвтсэн, хоолой боочих гээд Солонгост хүртэл очиж дурандуулаад хэт их тайвшруулах эм ууж байснаас болоод норкоз нь нөлөөлөхөө болиод дундаа гэнэт сэрж явчхаа шахсан дурак хэллээ шүү эмонуудааа. Манай Монголд маань бас Рехамед энэ тэр гээд эмгүй эмчилгээний эмнэлэг нээгдсэн, баахан ИОГА БЯСАЛГАЛ ажиллаж байна талархаад л явж байгаа шүү. Үнсий, амьдрал дурак яахав муу зэвүүн гар тэгэж л байг хэдүүлээ гэхдээ алнаа, маргааш бас нар гарна хаха. За тэгээд бүгд энэ 2020 ондоо зөв амьдралын хэмнэлийг хэвшил болгон биеийн тамирт шамдаж хөдөө гадаа их явцгаая !Үнсий
Ч.Ганжавхлан 2020.01.05
URL:
Холбоотой мэдээ
Сэтгэгдэл бичих
You must be logged in to post a comment.
баярлалаа их сайхан туршлага бичиж ээ БИ СЭМҮТ-д хэвтээд гарсан . 1 жил гаран нам унтахгүй өнгөц унтаад бүх юмаа мэдрээд байх юм флоксотин олензипин кудеипин клозипин уусан ялгаагүй л байна.