Зарим банкууд Тэтгэврийн зээл олгохоо зогсоожээ

Монгол Улсын Ерөнхийлөгч Х.Баттулга хоёр он солигдох мөчид ард түмэндээ хандаж хэлсэн үгэндээ ахмадуудын тэтгэврийн зээлийг нэг удаа тэглэх асуудлаар Үндэсний аюулгүй байдлын зөвлөлийн гишүүд санал нэгдсэн талаар мэдэгдсэн билээ.

Ерөнхийлөгчийн энэхүү мэдэгдэл олон олон асуудал ар араасаа дагуулж байна. Хамгийн гол асуудал бол Арилжааны банкууд Шинэ оны эхнээс ЗЭЭЛ олгох уу? гэсэн асуудал болоод байна. Худалдлаа хөгжлийн банк одоогийн байдлаар ЗЭЭЛ олгохгүй байгаа бөгөөд бусад банкууд энэхүү асуудлаар ямар нэгэн шийдвэр гаргаагүй байна. Ерөнхийлөгчийн хэлсэнээр бол ҮАБЗ дээр Ерөнхий сайд, УИХ-ын дарга нар ХАМТАРСАН ШИЙДВЭРТ хүрсэн хэмээсэн билээ. Энэхүү асуудал УИХ-аар албан ёсоор орж асуудал нэг мөр болж шийдэгдэх учиртай. Зөвхөн сураг төдийгөөр Банкууд ЗЭЭЛ олгохоо зогсоовол зарим нэг ахмадуудын хувьд хүндрэл үүсэх магадлал бий болох юм. Хамгийн эхэнд л гэхэд тун удахгүй Цагаан сар болно. Уг асуудлаар чухам хэн нь Хууль санаачилж УИХ-д өргөн барих нь тодорхой болоогүй байгаа бөгөөд одоогийн байдлаар УИХ-ын гишүүн О.Баасанхүү хууль санаачилсанаа мэдэгдлээ. Хуулийн төслийг өргөн барихдаа хүрлээ гэхэд УИХ түүнийг нь хэдий хугацаанд, хэрхэн батлах нь тодорхойгүй.

Ямартай ч Тэтгэврийн зээлтэй холбоотой мэдэгдэл Банк санхүү, ард иргэдийг хөдөлгөөнд оруулж эхэллээ.

Шуурхай.мн