Месси 6 дахь “Алтан бөмбөг”-өө хүртлээ

Парисын Шатле театрт өчигдөр орой “Алтан бөмбөг” гардуулах ёслол болж, “Барселона” багийн хагас хамгаалагч Леонель Месси хүртлээ. Францын “France Football” сэтгүүлээс гардуулдаг энэхүү нэр хүндтэй шагналыг 32 настай Аргентин эр 6 дахь удаагаа хүртэж байгаа нь энэ юм.  Өмнө нь тэрбээр  2009, 2010, 2011, 2012, 2015 онд энэхүү шагналыг хүртэж байсан.

Түүнээс өөр хэн ч зургаан удаа “Алтан бөмбөг” хүртэж байгаагүй юм. “Ювентус”-ын хагас хамгаалагч Роналдо энэхүү шагналыг 2008, 2013, 2014, 2016, 2017 онд таван удаа хүртсэн. Тэгвэл Мишель Платини (1983, 1984, 1985), Марко ван Бастен (1988, 1989, 1992), Йохан Кройф (1971, 1973, 1974) нар гурван удаа “Алтан бөмбөг” хүртжээ.

Месси 2018-2019 оны улиралд “Барса”-гийн хамтаар Ла лигт түрүүлж, Аваргуудын лигт хагас шигшээд шалгарсан. Мөн шигшээ багийнхаа хамтаар “Копа Америка”-д гуравдугаар байр эзлэсэн юм.  Тэрбээр өнгөрсөн улиралд 34 тоглолтод 36 гоол оруулж, “Барса”-г 26 дахь удаагаа аварга авахад тусалсан.  Шилдэг мэргэн буучийн шагналыг 3 дараалж хүртсэн билээ.

Нийтдээ шилдэг мэргэн буучийн шагналыг 6 удаа хүртэж, Тельмо Сарагийн рекордтой зэрэгцсэн.  Үүгээр зогсохгүй Европын тавцанд шилдэг мэргэн бууч болж, “Алтан шаахай” шагналыг хүртсэн.  Мөн л энэ шагналыг гурав дараалан хүртэж чадсан. Нийтдээ 6 удаа Европын мэргэн бууч болсон бол Роналдо 4 удаа хүртсэн.