Киевт болсон халдлагын улмаас Украины хуульчийн хүү амиа алджээ

Украины нийслэл Киев хотод үл таних зэвсэгт этгээдүүд тус улсын хуульч руу машинаас гал нээсэн бөгөөд түүний 13 настай хүүгийн аминд хүрсэн байна. Хохирогч Вячеслав Соболев халдлага болох үед хүүтэйгээ цуг явж байсан бөгөөд гэнэт л гал нээсэн, тэдний хэн гэдгийг мэдэхгүй гэжээ. Хүү түргэний машинд явж байхдаа шархаа даалгүй нас барсан байна. Дотоод хэргийн яам сэжигтнүүд болон уг машины эзнийг хараахан тогтоогоогүй байгаа гэнэ.