Боливийн Ерөнхийлөгч Эво Моралес ОГЦОРЛОО

Боливи улсыг олон жил удирдсан Эво Моралес ерөнхийлөгчийн албан тушаалаас огцрох болсноо саяхан зарлалаа.

Одоо 60 настай Моралес 2006 оноос хойш Боливийг удирдаж байгаа ба аравдугаар сарын 20-нд болсон сонгуулиар дөрөв дэх бүрэн эрхийнхээ төлөө өрсөлдсөн юм. Гэвч сонгуулийг луйвардаж ялалт байгуулсан гэж үзсэн Боливийн иргэд гурван долоо хоногийн турш тэмцсэний эцэст Моралесыг огцруулж байна.

Сонгуулийг луйвардсан нь батлагдсан тул Моралес дахин сонгуульд өрсөлдөх эрхгүй гэж түүний өрсөлдөгч, ерөнхийлөгч асан Карлос Меса мэдэгдсэн юм. Харин Моралес одоогоор энэ талаар байр сууриа илэрхийлээгүй байна.