Холбоотон бус орнууд Бакугийн баримтыг баталлаа

Холбоотон бус орнуудын байгууллага энэ сарын 25,26-нд Бакуд болсон энэ байгууллагын XVIII чуулганаар батлах ёстой байсан сүүлийн баримтыг баталсан байна. Тодруулбал, Бакугийн баримтын төгсгөлийн хэсэг, Бакугийн улс төрийн бодлогын тунхаглал, Палестин, Азербайжаны ард түмэн,Засгийн газартай эв нэгдэлтэй байх тухай  болон талархлын бичиг гэсэн баримт бичгийг баталсан гэж Азербайжаны канцлер Эльмар Мамедъяров мэдэгдэв. Чуулганы үеэр Боливийн талаар танилцуулахыг хүссэн тусгай тунхагийг Боливийн канцлер Диего Пари уншиж, танилцуулсан байна. Тунхаглалд Боливийн ерөнхийлөгч Эво Моралест  энэ сарын 20-нд болсон сонгуулиар дахин сонгогдсонд баяр хүргэжээ. Мөн түүнээс  Боливийн тусгаар тогтнол, хүсэл тэмүүллийг нь хүндэтгэж байхыг хүссэн талаар бичсэн аж. Харин чуулган өндөрлөх үеэр Гватемал, Чили, Гайана улс энэ тунхаглалын утга санааг хүлээн зөвшөөрөхгүй байгаагаа илэрхийлсэн байна. Гватемалын төлөөлөгч “Энэ гурван орны оролцоогүйгээр боловсруулсан тунхаглалын  төслийг бид зөвшөөрч чадахгүй. Тиймээс бид энэ тунхаглалын төслөөс гарна” гэж мэдэгджээ. Мөн Боливт болсон сонгуулийн үйл ажиллагаанд эргэлзээ төрүүлсэн олон зүйл байгааг онцолсон байна. Чилийн төлөөлөгч зөвхөн “Чили улс энэ тунхаглалыг хүлээн зөвшөөрч дагаж чадахгүй” хэмээн мэдэгджээ.