Бурхан багшийн их дүйчин өдөр нийтээр амрахыг Байнгын хороогоор дэмжлээ

УИХ-ын гишүүн Д.Оюунхорол нарын 10 гишүүний өргөн мэдүүлсэн Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төслийн хэлэлцэх эсэхийг хэлэлцэж, Бурхан багшийн их дүйчин өдөр нийтээр амрахыг Төрийн байгуулалтын байнгын хороогоор дэмжлээ.

Ингэснээр тус хуулийн төслийг энэ долоо хоногт чуулганаар хэлэлцэн батлах эсэхийг шийдэх юм.

Түүнчлэн хуулийн төслийг хэлэлцсэн Байнгын хорооны санал, дүгнэлтийг УИХ-ын гишүүн Д.Лүндээжанцан чуулганы нэгдсэн хуралдаанд танилцуулахаар тогтов.