Фото: Монголын хамгийн их илэрцтэй зургийн эзэн Буриад охин Бүтэмдаа 21 нас хүрчээ

Монголчуудын  өв,нүүдэлчдийн соёл, уламжлалыг  харуулах зургийг интернэтээс хайхад хамгийн их илэрцтэй байдаг зураг бол атан тэмээний өмнө инээж буй баяцхан охины зураг билээ.  Монголчууд ч энэхүү зургийг “өхөөрдөм хөөрхөн, аз жаргал бэлэглэгч” хэмээн нэрийдэх нь бий. Нэрт гэрэл зургийн охиныг Бүтэдмаа гэдэг юм байна. Тэрээр Буриад үндэстэн бөгөөд ӨМӨЗО-ны Хөлөн-Буйрын Шинэхэн Баруун суманд нутагтай ажээ. Анх гэрэл зурагчин Хань Чэнгли 2003 онд таван настай Бүтэдмаа охины гэрэл зургийг авч байж. Харин тэрээр сүүлд 2014 онд 16 настай Бүтэдмаа охиныг аав ээжийнх нь хамт гэрэл зургийг нь авсан байна.