KFC-гээрээ “хордуулсан” Таван богдынхон өттэй хоолоор монголчуудад үйлчиллээ
Төрийн ордны зүүн талд байрлах япон хоолны “Нагоми” рестораны хоолноос олон тооны шавьж илэрсэн талаар иргэн Ч.Батзул өөрийн цахим хуудсандаа нийтэлжээ.
Япон хоолны энэхүү ресторан нь Монголд 13 жилийн турш үйл ажиллагаа явуулж байгаа бөгөөд “Таван Богд” Группийн охин компани “Таван Богд Вашёкү”-гийн нэг салбар юм байна.
“Таван Богд” группийн эрхлэн ажиллуулдаг түргэн хоолны “KFC”-ийн салбарт үйлчлүүлсэн иргэд хорлого авч байсан тохиолдол хэд хэдэн удаа гарч байв. Гэвч тухайн үйлчилгээний газрын үйл ажиллагаатай холбоотой гэм буруугаа хувь хүн, тухайлбал үйлчилгээний хэн нэгэн ажилтан руу түлхэж, өөрсдөө хариуцлагаас мултарч байсан нь нэг бус удаа.
Гэтэл жинхэнэ Япон амт чанар, эрүүл зөв хооллолтыг эрхэмлэгч хэн бүхэнд тохирсон хэмээн сурталчилдаг “Нагоми” ремтораны хоолноос олон тооны шавьж хорхой илэрлээ. Энэ бол цаад бодит төрх, үнэн байдлын илэрхийлэл боллоо.
URL:
