“Алтан тариа” ХХК-ийн хоёр ажилтан ажил үүргээ гүйцэтгэж байхдаа агааргүйтэж ухаан алджээ

“Алтан тариа” ХХК-ийн тэжээлийн үйлдвэрийн хоёр ажилтан ажил үүргээ гүйцэтгэж байхдаа агааргүйтэж ухаан алджээ. Тодруулбал, нийслэлийн Сонгинохайрхан дүүргийн 4 дүгээр хороо “Алтан тариа” ХХК-ийн тэжээлийн үйлдвэрийн бутлуурын дамжуулагч төмөр хоолойд тус компанийн ажилтан Г, Г нар нь ухаан алдсан байна.

Энэ тухай дуудлага 08.20-ны өдрийн 08:50 цагт Нийслэлийн онцгой байдлын газарт ирж, Аврах ангийн 7 алба хаагч, 2 автомашинтай очиход “Алтан тариа” компанийн 2 ажилтан 2 метрийн голчтой бутлуурын дамжуулагч төмөр хоолойд ухаан алдаж унасан байсныг эсэн мэнд гаргаж ГССҮТ-д хүлээлгэн өгчээ.

Х.Соёл

Zaluu.com