ЭЗЭНГҮЙ ТӨРИЙН ХУУЛЬГҮЙ ХЯТАДУУД ДАВАРЧ БАЙНА

Сэлэнгэ аймгийн Ерөө сумын Бугант тосгоны 80 гаруй хувь нь ой модоор хүрээлэгдсэн, байгалийн үзэсгэлэн цогцолсон газар нутаг билээ. Гэтэл энэ сайхан нутаг оронд хятадууд бидний амьсгалах агаар болсон ой модыг хайр найргүй сүйтгэж, алт ухаж, дураараа дургиж байсныг “Дэлхийн Монгол Ногоон Нэгдэл”, “Дэлхийн цэцэрлэгт хүрээлэн Монголд” ТББ-ын төлөөлөл 7-р сарын 28-нд илрүүлж, холбогдох хууль хяналтын байгууллагад шилжүүлсэн юм. Төрийн байгууллагууд энэхүү гэмт хэргийг яаралтай таслан зогсоож, хятадуудын ашиглаж байсан тоног төхөөрөмжийг лацадсан боловч энэ сарын 6-ны өдөр тэд дахин ажиллахаар зэхэж байсныг дээрх төрийн бус байгууллагуудаас дахин илрүүлсэн юм. Хуулийн байгууллагууд гэмт ажиллагааг нь зогсоочихоод байхад ийнхүү улайраад байдаг даварсан хятадуудад Монгол Улс төртэй, эзэнтэй, хуультай гэдгийг мэдрүүлэх шаардлагатай болоод байна. Түүнчлэн эдгээр хятадуудыг хамгаалахаар Монгол залуусыг хөлслөн авсан нь Монголыг Монголоор нь даруулна гэсэн Манжийн бодлого өнөө цагт яваад байна уу гэсэн эмзэглэлэлийг төрүүлж байна.
Хүн бүр шэйр хийж, илүү олон хүнд хүргэх нь эх орноо, үзэсгэлэнт сайхан байгалиа хамгаалж байгаа маш том дэмжлэг юм.

Хастөмөр Бээжин