Дэмбээ дарга залгамжлагчийгаа өөд татлаа

Саарал ордонд тухлаж суугаа Монголын улс төрчдөөс хамгийн ахмад нь УИХ-ын гишүүн  Д.Дэмбэрэл. Ховд аймагт дархан ноёрхолоо тогтоогоод байгаа Д.Дэмбэрэл дарга ирэх 2012 оны сонгуульд ч гэсэн хүч үзэхээр эртнээс бэлтгэж байгаа. Тэрбээр байн, байн Ховд руу нисч, сонгуулийнхаа сурталчилгааг нилээд эртнээс эхлүүлээд байгаа. Түүний хамгийн том өрсөлдөгч нь Эрүүл мэндийн яамны Төрийн нарийн бичгийн дарга Хүрэлбаатар. Эрүүл мэндийн яамны хөрөнгө мөнгөөр өөрийгөө сайн рекламдаж чаддаг энэ залууг Д.Дэмбэрэл дарга Ховд аймгаар баахан дагуулж явсан. Төрийн нарийн бичгийн дарга ч яамныхаа хөрөнгө мөнгөнөөс харамгүй амласан. Д.Дэмбэрэл дарга өөрийнхөө залгамжлагчаар Японд сурч байсан энэ залууг сонгож байгаа бөгөөд төдийлөн олны танил бус энэ залуу гэрлийн хурдаар Эрүүл мэндийн яамны сайд болж томорлоо.