Д.Хаянхирваа Сангийн сайд болж Хонгор нутгийнхан хордсон хувь тавилантайгаа эвлэрэх үү?

Хамтарсан засаг нуран унаж сайдын суудлууд өм цөм онгойсон нь МАН-ын ахиж нэр дэвших эрхгүй гишүүдэд аятай боломжийг олголоо. Тухайлбал Дархан-Уул аймгаас УИХ-д сонгогдсон УИХ-ын гишүүн Д.Хаянхирваа. Тэрбээр Хонгор нутгийнхан цианит натрид хордон хотлоороо сүйрлийн ирмэгт тулчихаад байхад ч хордоогүй гэж гүрийсээр байгаа.

Угаас Засгийн газар, олон улсын шинжээч гэх нэрээр Монголд ирсэн гадныхантай үгсэн хуйвалдаж эгэл иргэдийг гарзанд нь гаргасан нүгэлтэн. Өдгөө Сангийн сайд болох гэж байна. Мэдээж түүнийг Хонгорынхон болон Дарханчууд сонгохгүй. Түүгээр ч барахгүй тус сумынхныг гарзанд гаргасныг нь мэдэх учраас монголчууд дэмжихгүй.

Тиймээс түүнийг нам нь зургаан сарын эрхтэй сайдын суудлаар хууран зайлуулах төлөвлөгөөгөө хэрэгжүүлж эхэлсэн нь энэ. Гэхдээ иргэдийн дунд, энэ нөхөр улсын сан хөмрөг хордуулчихгүй байгаа гэх хардлага хачин их буйг энэ дашрамд дуулгачихая.