Ерөнхийлөгч Ц.Элбэгдоржийн айлчлалд зориулан Таван толгойн тээвэр зогсов

Ерөнхийлөгч сүр бараатайхан өмнө зүгийг “дайлав”.

Өмнийн говийн эрхтэн дархтан эвэртэн туурайтангуудын чих зөөлөрч хөл хөнгөн хэд хонов. Хэл ам ихтэй нөхдийг ийш тийш нь хөдөө гадаа цөлж, түйрэн болсон Таван толгойн нүүрсний машинуудыг “нам зогсоож” хэрэндээ л шинэ халатаа өмсч ширээний бүтээлгээ зэхжээ.

Иргэд ч тэснэ тэснэ гэхэд яаж тэсхэв уулзалт цуглааны үед хэлж байсан ч телевиз, сонин хэвлэлүүд гаргасангүй. Бурууд нүд, чих хурцтай ганц ТВ9 ганцаараа мэдээлэв.

Хөлгүй их хэвлэлийн хөвөө хязгаарт ганц мэдээ хаягдсан нь энэ байлаа. Таван толгойн нүүрсчид Ерөнхийлөгийн цувааны сүүл тасрангуут л 100 100 тоннын уул шиг том машинууд уухилан ажилдаа гарав.

С.Данзан