Н.Цэрэнбат: Хардах эрхтэй, гүтгэх эрхгүй гэдгийг бүгдээрээ ойлгох хэрэгтэй

Найрамдал зуслангийн газрыг эрх мэдэлтнүүд хувааж авсан гэх мэдээлэл цахим орчинд тархсан билээ. Тэр дунд УИХ-ын гишүүн Н.Цэрэнбатын нэр байгаа бөгөөд энэ талаар түүнээс тодрууллаа. Тэрбээр “Хөрөнгө оруулгын мэдүүлэгт бүгд байгаа. Амьдралдаа нэг удаа амарсан. Тэр үед би хүүхэд байсан. Харин манай хүүхдүүд хааяа Найрамдалд амардаг.

Хуулиар Найрамдал зуслангийн газар БОАЖЯ-нд харьяалагддаггүй. Өчигдөр гурван хуудас мэдээлэл явж байснаа сүүлд дөрөв дэх хуудаст миний нэр орсон байна лээ. Ямар эх сурвалжаас авч хэн оруулсан нь тодорхойгүй. Хардах эрхтэй, гүтгэх эрхгүй гэдгийг бүгдээрээ ойлгох ёстой. БОАЖЯ-наас “Ногоон паспорт” аяны хүрээнд Найрамдал зусланг дэмжиж байгаа. Энд хүүхдүүдийг байгаль орчныг хамгаалах, боловсрол олгох олон арга хэмжээ хийж байна. Цаашид тогтмол хийнэ гэсэн бодолтой байна” гэв.