Шри Ланкад үүссэн эмх замбараагүй байдалд буддын шашинтнууд холбоотой байж магадгүй

Шри Ланкад лалын шашинтнуудын эсрэг хүч хэрэглэж буй явдалд буддын шашинт бүлэглэлүүд холбоотой байж магадгүй гэж тус улсын эрх баригчид мэдээлжээ.

Улаан өндөгний баярын үеэр болсон цуврал халдлагаас хойш өрнөж буй эмх замбараагүй байдалтай холбогдуулан цагдаагийн ажилтнууд энэ долоо хоногт 80 орчим хүнийг баривчилсан байна.

Баривчлагдсын хүмүүсийн дунд буддын шашинт хэт давруу үзэлт гурван хүн байжээ. Тэд өнгөрсөн онд дээрхтэй төстэй төрлийн хэрэг үйлдэж байсан аж. “Цаашид тэдэнтэй холбоотой хүмүүсийг эрэн сурвалжлах болно” гэж цагдаагийн газрын хэвлэлийн төлөөлөгч сэтгүүлчдэд мэдээлжээ.

Шри Ланкачуудын дийлэнх нь буддын шашин шүтдэг бөгөөд тус улсын хүн амын 10 хүрэхгүй хувийг лалын шашинтнууд эзэлдэг байна. Улаан өндөгний баярын үеэр 250 хүний аминд хүрсэн цуврал халдлагыг лалын шашинт хэт давруу үзэлтнүүд үйлдсэн гэдгээ хүлээн зөвшөөрснөөс хойш тэднийг онилон хүч хэрэглэх явдал түгээмэл гарах болсон байна.