Орцны жижүүрүүд орон сууцтай болно

“Шилжих хөдөлгөөн ба орцны гэр бүл” буюу “Гэртээ харих зам-2″ төслийг НХХЯ-наас хэрэгжүүлж байгаа. Тус төсөлд нийслэлийн зургаан дүүрэг тус бүрээс 15, нийт 90 өрхийг сонгон авсан байна. Төслийн багийнхан энэ онд НҮБ-ын “ХАБИТАТ” байгууллагатай хамтран “Шилжих хөдөлгөөн ба орцон дахь гэр бүл” төсөлд хамрагдаж буй өрхүүдээс 50 өрхийг сонгон авч амьдрах орон байрны нөхцөлийг нь сайжруулах зорилгоор орцны жижүүрүүдтэй санал солилцох уулзалтыг энэ сарын 20-нд зохион байгууллаа.

Төслийн хүрээнд 2013 онд Сонгинохайрхан дүүрэгт загвар орон сууц барих ажлыг эхлүүлэхээр тус дүүргийн Тамгын газартай хамтран ажиллахаар болжээ. Эхний ээлжинд СХД-ийн 21дүгээр хороонд бүсийн дэд бүтэц, нийгмийн үйлчилгээний боломжийг бий болгохоор 2-3 га газар авсан аж.

Н.БААСАНЖАВ