Карлос Гоныг дахин баривчилжээ

“Nissan-Renault” компанийн тэргүүн асан Карлос Гоныг Токио хотноо дахин баривчилсан байна. Тэрбээр ашиг орлогоо нуун дарагдуулсан хэрэгт холбогдон 2018 оны 11 дүгээр сард баривчлагдаж, өнгөрсөн сард барьцаагаар суллагдаад байсан юм.

Японы олон нийтийн хэвлэл мэдээллийн хэрэгслүүдийн мэдээлснээр, К.Гоныг компанийн сангаас их хэмжээний мөнгийг хувийн хэрэглээндээ зарцуулсан хэрэгт сэжиглэж байгаа бөгөөд Оман улс дахь дистрибьютер компани руу шилжүүлсэн олон сая ам.долларын төлбөртэй холбогдуулан прокурорууд шинэ хэрэг үүсгэсэн аж.

К.Гоны хувьд өөрийгөө гэм буруугүй хэмээн мэдэгдсээр байгаа юм. Лхагва гарагт“Renault” компани түүнийг “эргэлзээтэй, ажил хэргээ нуун дарагдуулсан” хэмээн буруутгасан байна. Япон улсад барьцаагаар суллагдсан хүнийг дахин баривчлах тохиолдол маш ховор гарч байжээ.