“INTERPOL“-ийн ерөнхийлөгч асан МЭН ХУНВЭЙГ БНХАУ-ын коммунист нам хөөлөө

БНХАУ-ын Коммунист нам авлигын хэрэгт холбогдон саатуулагдаад байсан “Interpol”-ийн Ерөнхийлөгч асан Мэн Хунвэйг намаас хөөсөн байна.

Түүнийг албан тушаалаа урвуулан ашиглаж эхнэртээ ажлын байр олгосон, хувийн эрх ашгийн зөрчилтэй гэж үзжээ. Мөн намын дүрэм журмыг баримтлаагүй, Намын төв хорооны шийдвэрийг биелүүлэхээс татгалзсан, дүрмийн дагуу хувийн зүйлсээ тайлагнаагүй гэж Намын хяналт шалгалтын төв хороо буруутгасан байна. Мэн Хунвэй нь 2018 оны есдүгээр сарын 29-нд Францын Лион хотоос БНХАУ руу ниссэнээс хойш сураггүй алга болоод байсан ч түүнийг БНХАУ-д газардахад нь байцаалт авах зорилгоор саатуулсан нь сүүлд ил болсон юм.