Огноо: 2019/3/20 13:27:25

Ц.Элбэгдоржийн эхнэрийн төрсөн дүү Х.Болдбаатарын компанид нэгжлэг хийсэн бололтой

Эрүүгийн цагдаагийн газраас өчигдөр орой /20119.03.19/ Ерөнхийлөгч асан Ц.Элбэгдоржийн ажлын өрөөнд нэгжлэг хийсэн. Түүний өрөөнд 1000 гаруй уран зураг байсан бөгөөд 30 гаруй нь дэлхийн болон Монголын үнэт уран зураг байсан гэх мэдээллийг Ерөнхийлөгч асан Ц.Элбэгдорж өөрийн твиттер хуудсаараа дамжуулан үгүйсгэлээ.

Гэвч ямар нэгэн нэгжлэг хийгдсэн. Энэ нэгжлэгийг Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтэс Ц.Элбэгдоржийн гэргий Х.Болормаагийн дүү Х.Болдбаатарын эзэмшлийн компанид хийсэн гэж эх сурвалжууд дамжуулж байна.

Хажидсүрэн овогтой Болдбаатар нь өөрийн эзэмшлийн хэд хэдэн компанитай бөгөөд түүний талаар хоёр жилийн өмнө “Шударга ёс” бүлгэмийн тэргүүн гэгддэг Галигаагийн Баярсайхан доорх мэдээллийг цацаж байсан юм байна.