Цаасан онгоц нисгэх ДАШТ болно
Энэ оны долоодугаар сард Францад цаасан онгоц нисгэх Дэлхийн аварга шалгаруулах тэмцээн болох аж. Энэ тэмцээн ийнхүү хоёр дахь удаагаа болох юм. Тэмцээний дүрэм маш энгийн. Тэмцээн болохоос өмнө оролцогчид А4 хэмжээтэй бичгийн цаасаар цаасан онгоц хийх ёстой. Тэмцээний дүн мэдээж аз болон салхинаас хамаарах нь тодорхой.
Өнгөрсөн жил болсон тэмцээнд 90 “нисгэгч” оролцжээ. Ялагч өөрийн цаасан онгоцыг 24 метр зайд нисгэж чадсан байна. Дэлхийн дээд амжилт бол 69 метртэй тэнцдэг билээ. Тэмцээнд оролцогчид хураамж болгон гурван евро төлөх юм. Өнгөрсөн жилийн ялагч агаарын бөмбөлгөөр хоёул нисэх эрхээр шагнуулсан билээ. Энэ жилийн гол шагнал юу байх нь одоогоор нууцлагдаж байна.
Эх сурвалж www.wikimon.mn
URL:
