Багшдаа зодуулж элэг нь бяцарсан хүүгийн хэргийг цагдаагийн байгууллагаас шалгаж эхэлжээ

Хэнтий аймгийн Бор-Өндөр цогцолбор сургуулийн арваннэгдүгээр ангийн сурагч “Б” багшдаа зодуулсны улмаас элэг нь бяцарч,  өчигдөр ГССҮТ-д хагалгаанд орсон байна. Хүүгийн биеийн байдлыг ар гэрийнхнээс нь тодруулахад, “Хагалгаа амжилттай болсон ч хүүгийн биеийн байдал сайнгүй байгаа” гэсэн юм.

Мөн ар гэрийнхэн нь хүүг ангийн багшдаа зодуулсан учраас элэг нь бяцарч, ярьж чадахгүй, бие нь маш хүнд байгаа гэж мэдэгдээд байгаа юм.

Тус хэргийг цагдаагийн байгууллагаас шалгаж эхлээд байгаа юм байна.

Т.Гэрэл