Юрий Гагарины үзэг, гарын үсгийг худалдана

Багц эд зүйлийн үнэлгээ 15-20 мянган еврогоор тогтоогдов. Үзгийг нь пуужингийн хэлбэртэй урласан аж. Тавиур дээр нь “ЗХУ. 1959 оны 9-р сар” гэсэн бичвэр бий. Харин Гагарины гарын үсэг Шинэ жилийн мэндчилгээний дор бичигджээ.

Мөн Юрий Гагарины 12 ширхэг гэрэл зураг 5-7 мянган еврогоор үнэлэгдэв. Эдгээр гэрэл зургийг сансрын нисгэгчийг амь үрэгдэхээс гурав хоногийн өмнө авсан байна. Нэг зураг нь олон түмэнд танил бол бусад нь хэзээ ч хэвлэгдэж байгаагүй гэнэ. Дуудлага худалдааг цахимаар явуулах бөгөөд дүн нь ирэх ням гарагт тодорхой болох юм.