Умард Солонгос Вьетнамын замаар замнана

Ханой нэг намын тогтолцоотой, хатуу хяналттай, хянан шалгах албад нь чанга ажилласнаар эдийн засгаа чөлөөт зах зээлийн замаар хөгжүүлж байгаа билээ. Тэдний явуулж буй энэ бодлогыг Хойд Солонгос ихэд сонирхож байгаа гэнэ шүү.

Хэрэв Пхеньян зах зээлийн эдийн засгаар замнах шийдвэр гаргавал одоогийн байгаа дэглэмээ тогтвортой байлгахыг хүсэх нь мэдээж. Умард Солонгос Хятад, Вьетнамын загварчлалыг нэлээн эртнээс судалж байгаа гэнэ. Энэ сарын сүүлээр Ханой АНУ, БНАСАУ-ын удирдагчдын хоёр дахь уулзалтыг зохион байгуулахаар бэлтгэж буй.

Өнөөгийн Умард Солонгос 1980-аад оны үеийн Вьетнам улстай олон талаараа төстэй юм. Вьетнамын Коммунист нам 1945 оноос хойш улсаа удирдсан билээ. Тэгвэл Солонгосын Хөдөлмөрийн нам мөн цагаас эхлэн Умард Солонгосыг удирдсан байдаг.