ОХУ-ын эсрэг тогтоосон хоригийг цуцлах нөхцөлийг мэдэгдэв

 Крым Украины бүрэлдэхүүнд эргэн ороогүй цагт ОХУ-ын эсрэг авсан хориг арга хэмжээг цуцлахгүй гэж НҮБ-д суугаа АНУ-ын байнгын төлөөлөгчийн орлогч Жонатан Коэн тус байгууллагын Аюулгүйн Зөвлөлийн хурлын үеэр үг хэлэхдээ мэдэгджээ.

Түүний хэлснээр, “Крымыг ОХУ-ын бүрэлдэхүүнд нэгтгэснийг АНУ дэмжихгүй байгаа бөгөөд хэзээ ч хүлээн зөвшөөрөхгүй”.

Тэрбээр Минскийн гэрээгээр хүлээсэн үүргээ бүрэн биелүүлэхийг Москвад уриалжээ. “Чухам Орос улс мөргөлдөөнийг эцэс болгох ёстой” гэж Коэн хэлсэн байна. ОХУ-ын цэрэг, зэвсгүүд Донбасст байрлаж байна гэж дипломатч нэмж хэлжээ.

Үүний сацуу, Европын аюулгүй байдал, хамтын ажиллагааны байгууллагын Украин дахь Ажиглалтын тусгай багийн удирдагч Эртугрул Апакан мэдэгдэхдээ, тус багийн тайлан мэдээнд Украины зүүн нутагт Оросын цэргүүд байрлаж буйг илтгэх боломж олгохгүй байгаа “тодорхой баримтууд” бий гэсэн байна.

montsame.mn