Македон улсын нэрийг өөрчлөх тухай хэлэлцээр хүчин төгөлдөр болжээ

Македон болон Грекийн эрх баригчдын хооронд байгуулсан хуучин Югославын бүрэлдэхүүнд байсан улсын нэрийг Бүгд Найрамдах Умард Македон улс болгож өөрчлөх тухай Преспанийн хэлэлцээр хүчин төгөлдөр болжээ. Энэ тухай Грекийн Гадаад хэргийн тэргүүн дэд сайд Йоргос Катрунгалос өнгөрсөн мягмар гарагт “Твиттер” хуудсаараа дамжуулан мэдэгдсэн байна.

“Умард Македон улстай өрнүүлэх хамтын ажиллагаа, тогтвортой байдлын шинэ үе эхэлж байна” хэмээн тэрбээр онцлон тэмдэглэжээ.

Македон улсыг НАТО-д элсүүлэх тухай протокол болон Преспанийн хэлэлцээрийг парламент баталсан гэж Грекийн Гадаад хэргийн яам Македоны эрх баригчдад өнгөрсөн мягмар гарагт албан ёсоор мэдэгдсэн байна.

Грекийн дипломат эх сурвалжийн мэдээлснээр, одоо Македон улс нэрээ өөрчилж байгаа тухайгаа мэдэгдэхийн тулд НҮБ хийгээд олон улсын байгууллагууд руу захидал илгээх ёстой аж.