РИО ТИНТО КОМПАНИ ГВИНЕЙ УЛСЫН ТӨРИЙН ТЭРГҮҮНД ӨГСӨН АВИЛГЫН ХЭРЭГ СӨХӨГДӨВ

Өдөр тутмын онцлох мэдээлэл, нийтлэл, үйл явдлын тоймыг монгол, англи хэлээр хүргэж байгаа билээ. Та эдгээр мэдээллийн англи орчуулгыг ENGLISH хэсгээс уншина уу. Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Өнгөрсөн оны арваннэгдүгээр сард Рио тинто компани нь Гвиней улсын Самандугийн 20 тэрбум долларын Төмрийн ордны төслийн гэрээнд гарын үсэг зуруулахын тулд Гвиней улсын Ерөнхийлөгч Алфа Кондед түүний их сургуулийн найз Францийн зөвлөхөөр дамжуулан 10.5 сая долларын авилгал өгсөн байсан хэрэг илэрсэн билээ.

Энэ хэрэг нь анх Гвиней улсын уул уурхайн сайд асан Махмууд Тиам нь Рио тинто компанийн Гвиней дэх үйл ажиллагаа хариуцсан захирал Стевен Дин 2010 онд Самандугийн төслийн талыг эзэмшихийн тулд надад авилгал өгөхөөр завдсан гэж мэдэгдсэнээс эхэлсэн байна.

Рио тинто энэ мэдэгдлийг няцааж байсан. Гэтэл үүний дараахан нэгэн вэбсайтад Рио тинтогийн захирал Алан Давиес тэр үед Рио Тинто группийн захирлаар ажиллаж байсан Том Албанес болон Зэсийн Группийн захирал асан Сам Воош нартай авилгалд шилжүүлэх төлбөрийн талаар санал солилцсон имэйлийг нийтэлсэн нь энэ хэргийг Рио Тинто дарах аргагүй болсон байна.

Эдгээр имэйлүүдийг 2011 онд буюу Рио тинто компани дээрх ордыг авах гэрээгээ эцэслэж байх үед солилцож байжээ. Имэйлийн гол утга нь Гвиней улсын Ерөнхийлөгч Алфа Кондед түүний их сургуулийн найз Францын зөвлөх Франсуй де Комбгетээр дамжуулан 10.5 сая америк доллар шилжүүлэх талаар бичсэн байдаг байна.

Эдгээр имэйлүүдийн нэг болох Алан Давиесээс Сам Воошд бичсэн имэйлд «Бид эцсийн тохиролцоон дээр ирээд байна, Самандугийн 3, 4 дүгээр блокуудыг биднийх болгоход Франсуй биднээс 10.5 саяыг шаардсан, энэ бол түүний хамгийн сүүлийн дүн гэдэг нь тодорхой, анх шаардсан 15 саяас зөндөө буусан» гэхчлэн бичиж байжээ.

Рио тинто компани уг имэйлүүд нь компанийн имэйл болохыг хүлээн зөвшөөрсөн бөгөөд яах аргагүй байдалд орохдоо Эрдэс баялаг, эрчим хүчний захирал Алан Давиес, хууль эрхзүй, дүрэм журам хариуцсан группийн ерөнхий захирал хатагтай Дебра Валентайн гэсэн хоёр өндөр албан тушаалтнаа авлига өгч, компанийн ёсзүйн дүрэм зөрчсөн гэдэг ял тохон өнгөрсөн 11 дүгээр сард ажлаас нь халсан. Өөрөөр хэлбэл, энэ хоёр тушаалтанд уг хэргийг үүрүүлж, компанид хамаагүй болгосон байх юм.

Халагдсан хоёрын нэг болох Алан Давиес дээрх авилгын хэргийг өөрт нь тохсон Рио тинтогийн шийдвэрийг эсэргүүцэж байгаагаа мэдэгдэж, хууль эрхзүйн арга хэмжээ авахаа хэвлэл мэдээллийнхэнд мэдэгдэж байсан юм.

Дээрх авилгалын хэргийг Америк, Англи, Австралийн Авилгалтай тэмцэх албаныхан мөрдөн шалгаж байгаа юм байна.

Гвиней Улс бол дэлхийн хамгийн ядуу буурай орнуудын нэг бөгөөд энэ хэрэг Рио тинто компани дэлхийн янз бүрийн орнуудад аливаа үр ашиг ордыг эзэмшихийн тулд авлига өгдөг гэдгийг харуулсан явдал болон үлдэж байгаа юм.

Эх сурвалж: qmeb.com