Хэнтийн нөхөн сонгууль ирэх зургадугаар сард болно

Намрын чуулганы төгсгөлд Хэнтий аймгийн 42 дугаар тойргийн нөхөн сонгуулийн товыг тогтоолоо. Тодруулбал, нөхөн сонгуулийн санал авах ажиллагааг 2019 оны зургадугаар сарын 30-ны өдөр явуулах юм.
Хэнтий аймгийн 42 дугаар тойрог буюу  Жаргалтхаан, Мөрөн, Хэрлэн сумын 12  мянган сонгогч ирэх зургадугаар сард УИХ-д төлөөлөлтэй болох нь. 42 дугаар тойрогт явагдах УИХ-ын гишүүний нөхөн сонгуулийг зохион байгуулахтай холбоотойгоор улсын төсвөөс санхүүжүүлэх зардлын хэмжээг 287 сая 614 мянга 335 төгрөгөөр батлах, энэ зардлыг Засгийн газрын нөөц сангаас гаргахыг Засгийн газарт даалгахаар тусгасан байна.