Мадурогийн Засгийн газрын эсрэг хориг арга хэмжээ авахыг уриалжээ
АНУ-ын жишгээр Ерөнхийлөгч Николас Мадурогийн Засгийн газрын эсрэг хориг арга хэмжээ авахыг Венесуэлийн сөрөг хүчний удирдагч Хуан Гуайдо Европын Холбоо /ЕХ/ болон Германд уриалжээ. Энэ тухай тэрбээр “Bild” сонинд ярилцлага өгөхдөө мэдэгдсэн байна.
“ЕХ Мадурод арга хэмээ авна гэж найдаж байна. Венесуэлд илүү олон хүн амиа алдаж болзошгүй. Тогтолцоо бүрэн авлигалд автсан нь тодорхой байна. Өнгөрсөн долоо хоногт жагсаал цуглааны үеэр 700 хүн баривчлагдан саатуулагдсан бөгөөд улс төрийн 300 хоригдол шоронд хоригдож байгаа. Түүнчлэн улс орон даяар үүссэн нөхцөл байдал Зэвсэгт хүчинд ч мөн ижил байгаа бөгөөд хүмүүс өлсөж байна. Цаашид ийм байдлаар үргэлжилж чадахгүй гэдгийг цэргүүд мэдэж байгаа” хэмээн Гуйадо ярьжээ.
Э.Аянзаяа
Эх сурвалж: Монцамэ агентлаг
URL:
