Шинийн 4-нд бүх нийтээр амрах эсэхийг Засгийн Газрын хуралдаанаар шийднэ

Засгийн газар хуваарийн дагуу өнөөдөр /2019.01.30/ хуралдаж байна. Хуралдаанаар Сар шинийн баяртай холбогдуулан шинийн 4-н буюу ирэх долоо хоногийн Баасан гаригийн ажлын өдрийг амралтын өдөрт шилжүүлэх эсэх асуудлыг хэлэлцэж байна.

Сар шинийн баярын өдрүүдэд хуулийн дагуу гурван өдөр буюу шинийн гурван хүртэл амардаг хуультай. Энэ жилийн шинийн 1-н ирэх долоо хоногийн мягмар гаригт таарч байгаа бөгөөд Баасан гаригт шинийн 4-ний өдөр таарч байгаа учраас ийнхүү амралтын өдөрт шилжүүлэх эсэх асуудлыг Засгийн газрын хуралдаанаар хэлэлцэж байгаа юм байна.