Брэдли, Лэди Гага нар шүтэн бишрэгчдээ дахин баярлуулав (бичлэгтэй)
Жүжигчин Брэдли Күүпер “Оскар”-ын шагналд шилдэг найруулагчийн төрөлд нэр дэвшиж чадаагүй нь түүнийг төдийгүй фэнүүдийг нь нэлээдгүй гонсойлгосон. Академийнхэн юу бодож байсныг мэдэхгүй ч түүний найруулж, гол дүрд нь Лэди Гагатай хамтарч тоглосон “Од мэндэллээ” кино үнэхээр сайн болсон. Харин Лэди Гагагийн хувьд “Шилдэг эмэгтэй дүр” номинацид нэр дэвшээд буй юм.
Гэсэн ч Брэдли нэг их сэтгэлээр унаагүй бололтой. Тэрбээр амралтын өдрүүдэд Лэди Гагагийн Лас-Вегаст хийсэн шоу тоглолтод оролцож кинотойгоо адил алдартай болсон “Shallow” дуугаа амьдаар дуулж, гайхалтай найруулагч, жүжигчин төдийгүй сайн дуучин гэдгээ дахин харуулсан байна.
Дэлгэцийн хамтрагчдыг зөвхөн кинон дээр л хамтдаа дуулахыг нь харснаас бус амьд тоглолт дээр хоршиж дуулахыг нь хараагүй шүтэн бишрэгчдийнх нь сэтгэл маш их хөдөлсөн гэнэ шүү. Брэдлигийн хоолой ч киноны жинхэнэ клипэн дээр гардгаас огтхон ч өөр байгаагүй юм.
URL:
