Гадаад хэлний сургалтын төвийн багш хар тамхи оруулж иржээ

Цагдаагийн ерөнхий газрын Хар тамхитай тэмцэх газрын алба хаагчид дөнгөж /2019.01.28/  гадаад улсын иргэн шуудан илгээмжээр дамжуулж хар тамхи оруулж ирснийг илрүүлэн баривчилсан.

Тодруулбал Монгол Улсад гадаад хэлний сургалтын төвд багшилдаг Нигер улсын иргэн мансууруулах эм, сэтгэцэд нөлөөлөх бодисыг олон улсын шуудан илгээмж ашиглан улсын хилээр нэвтрүүлснийг олж, тогтоон ажлын байран дээр нь баривчлах ажиллагаа явуулжээ.

Дашрамд дурдахад шинэ он гарснаас хойш Нидерландын Вант Улсаас гэсэн хаяглалтай Олон Улсын шуудан илгээмжээр иргэн О-д “Хүний биед хүчтэй үйлчлэл үзүүлж, булчин сулрах, хөлрөх, тавгүйтэл, сэтгэл санааны гүн хямралд орох зэрэг шинж илэрч, тунг хэтрүүлэн хэрэглэсэн тохиолдолд шууд үхэлд хүргэх аюултай” мансууруулах эм, сэтгэцэд нөлөөт бодис илгээмжээр ирснийг ЦЕГ-ын Хар тамхитай тэмцэх газрын алба хаагчид 2019 оны 01 дүгээр сарын 08-ны өдөр илрүүлэн таслан зогсоож дайчлан баривчилсан билээ.

Г.Сүрэн