Өмнөговь аймагт дотор эрхтэнийг нь авсан хүүхдийн цогцос олджээ

Сүүлийн үед Өмнөговь аймагт хүүхэд алга болох явдал газар авч буй аж. Аймгийн иргэдээс ‘Шиврээ сахалтай, хар өнгийн ланд маркийн машинтай хүн сургуулийн хүүхдийг хууран машиндаа суулган авч яваад байна’ гэсэн мэдээллийг холбогдох байгууллагуудад өгч буй гэнэ.

Энэ хэргийн цаана хүний, эд эрхтэний наймаа явагдаж байж магадгүй хэмээн нутгийн иргэд сэжиглэж буй аж. Учир нь иргэдийн мэдээлж байгаагаар хоёр хүүхэд алга болоод байсан боловч тэдний цогцсыг олжээ.

Нэг хүүхдийн цогцсыг аймгийн спорт цогцолборын ойролцоогоос, нөгөө цогцсыг Цогтцэций сумаас олсон байна. Спорт цогцолборын ойролцоогоос олдсон хүүхдийн дотор эрхтэнийг нь авсан байжээ.

Ийнхүү хүүхэд алга болоод байгаа мэдээллийг иргэд аймгийн цагдаагийн байгууллагад удаа дараа мэдэгдэж дуудлага өгсөн гэх боловч ямар нэг арга хэмжээ авахгүй байгаа гэнэ.

Ц.Будгэрэл /Өмнөговь аймаг/

Эх сурвалж: inet.mn