Чуулганы ирц бүрдээгүй байна

УИХ-ын чуулганы хуралдаан өнөө өглөө 04.30 цагт АН-ын бүлэг 6 цагийн завсарлага авснаар түр завсарласан. Өнөө өглөөний 10.00 цагт эхлэх ёстой чуулганы хуралдаанд 34 гишүүн ирцэд бүртгүүлээд байна. Ирц 50 хувьд хүрвэл чуулганы хуралдаан эхэлж, Улсын Ерөнхий прокуророос нэр бүхий дөрвөн гишүүний бүрэн эрхийг түдгэлзүүлэх эсэх асуудлыг үргэлжлүүлэн хэлэлцэх юм.

Дашрамд, УИХ-ын Халдашгүй байдлын дэд хороо, Хууль зүй, Төрийн байгуулалтын байнгын хорооны хуралдаанаар уг асуудлыг хэлэлцээд гишүүдийн бүрэн эрхийг түдгэлзүүлэх шаардлагагүй гэж үзээд байгаа билээ.