Дэлхийн хамгийн хурдан цахилгаан шат Солонгост бий
Дэлхийн хамгийн хурдан цахилгаан шат БНСУ-ын хамгийн өндөр, дэлхийд өндрөөрөө тавд бичигддэг цамхагт байдаг аж.
Өмнөд Солонгосын нийслэл Сөүл хотын төвд сүндэрлэсэн Lotte World Tower тун саяхан дэлхийн хамгийн сүрлэг барилгуудад олгодог Emporis Skyscraper Award гэх нэр хүндтэй шагналыг хүртсэн билээ.Уг барилгын өндөр 548 метр юм. 123 давхар, 42 мянган цонхтой энэ барилга өнгөрсөн оны дөрөвдүгээр сард ашиглалтад орсон бөгөөд ердөө 100 хоногийн дотор түүнийг дэлхийн 10 сая гаруй хүн үзэж сонирхжээ.
Энэ нь уг цамхагийн оргилд гарч, Сөүл хотыг тольдохоор өдөр бүр 120 мянган хүн гарсан гэсэн үг юм. Энэ цамхаг дотор компаниун оффисууд, томоохон дэлгүүрүүд, мөн тансаг зэрэглэлийн орон сууцнууд байрладаг. 121 давхарт нь байрладаг шилэн тавцан дээр гарч хотыг тольдохын тулд хүмүүс дэлхийн хамгийн хурдан цахилгаан шатаар зорчдог. Тэр цахилгаан шат 500 гаруй метр өндөрт ердөө нэг минутын дотор гардаг байна.
URL:
