Гэмтсэн зорчигчдыг нийслэлд авчирчээ

Улаанбаатар хотоос Замын-Үүд сумын чиглэлд 45 зорчигчтойгоор явж байсан 99-88 УНЗ улсын дугаартай том оврын автобус Замын-Үүд рүү орох төв хаалгыг мөргөсөн ноцтой осол өчигдөр гарсан.

Ослын улмаас хоёр жолооч нь амь насаа алдаж,  35 хүн гэмтэж бэртсэн байдалтай байна. Хүнд бэртсэн хүмүүсийг өчигдөр нисдэг тэрэг явуулж авчрахаар холбогдох газрууд ярилцсан ч явуулаагүй байна.

Харин нэлээд хүнд бэртэлтэй зорчигчдыг өчигдөр орой газраар тээвэрлэж, ГССҮТ-д авчирчээ.

Дээрх осолдсон автобус нь “Дэлгэрэх хүнс” ХХК-ны автобус бөгөөд сар шинийн баяр болохтой холбоотой нэмэлтээр зорчигч тээвэрлэж байжээ.

О.Гэрэл
Оллоо.mn