МҮОНТ, Баруун дөрвөн зам орчимд агаар хамгийн их бохирдолтой байна

Агаарын чанарын албанаас гаргасан мэдээгээр өнөөдөр 08.00 цагийн байдлаар МҮОНРТ, Баруун дөрвөн зам орчимд агаар хамгийн их бохирдолтой байна. Агаарын чанарын индекс Баруун дөрвөн зам орчимд 414, МҮОНРТ орчимд 458 буюу их бохирдолтой гэж гарчээ.

Агаарт байгаа бохирдлын хэмжээ 50 байвал хэвийн гэж үздэг. Тэгэхээр дээрх хоёр байршилд хэвийн хэмжээнээс ес дахин их бохирдолтой байгаа гэсэн үг юм.

АЧИ 401-500 байх үед удаан хугацаагаар гадаа байх үед нийт хүн амын эрүүл мэндэд мэдэгдэхүйц сөрөг нөлөөлөл илэрнэ гэжээ. Тиймээс зүрх, уушгины архаг өвчтэй болон өндөр настай хүмүүс, хүүхдүүд гадаа биеийн хүчний ямар ч төрлийн ажил хийхээс зайлсхийх хэрэгтэй. Цэвэр агаарт салхинд гарах, àрхаг хууч өвчтэй хүмүүс даралтаа тогтмол хянах, эмчийн хяналтад байх, эмийг хугацаанд нь уух шаардлагатай. Тиймээс иргэд онц шаардлагагүй бол гадагш гарахгүй байхыг зөвлөж байна.

Х.Хулан