“Мотив” хамтлаг шинэ, хуучин дуугаа ялгахаа больжээ

Саяхан “Цасан бороо” тоглолтоо хийсэн ч ярьсан шиг нь болж чадаагүй тоглолт нь тус хамтлагийн хувьд төдийлөн амжилттай болж чадаагүй гэдгийг үзсэн хүмүүс санаж байгаа байх. Тэгвэл тус хамтлагийнхан шинэ , хуучин уран бүтээлээ ялгахаа больсон тухай мэдээллийг та бүхэнд хүргэе. Одоогоос найман сарын өмнө эхэлсэн “Авъяаслаг Монголчууд” шоуны сүлд дууг “Мотив хамтлаг”-аар дуулуулсан билээ.  Хэдийгээр тэд тус шоуны “Өөрчлөлтийг өөрөөсөө” дууг дуулсан ч олонд төдийлөн хүрч чадаагүйгээр барахгүй тэд энэ дуугаа дуулахдаа ам барьж байгаад үзэгчдэд баригдан нилээд эвгүй байдалд ороод авсныг  тийм ч олон хүн мэдээгүй билээ. Тэгвэл тэд “Авъяаслаг Монголчууд” шоуны гологдсон дууг шинэ жилийн арга хэмжээнд дуулахдаа манай шинэхэн уран бүтээл хэмээн зарлаж яваа нь тэднийг шинэ , хуучин уран бүтээлээ ялгахгүй байгаа юм уу даа гэсэн сэтгэгдлийг төрүүлж байлаа.

Найман сарын өмнө гарсан дуугаа шинэ хэмээн зарлаж яваа “Мотив” хамтлагийнхан шинэ, хуучнаа ялгахгүй их уран бүтээлтэй болоо юу даа! гэж л ойлгоёдоо…

Д.Цэлмэг    www.shock.mn