Содон хороололын байрны лифт доош унасан гэв

Сүүлийн үеийн орон сууцны хороололд байрны лифт доош унах хэд хэдэн тохиолдол гараад байгаа билээ. Өмнө нь хуучирсан лифт унасан гэх мэт мэдээлэл гардаг байсан ч одоо шинээр ашиглалтанд ороод удаагүй барилгын лифтүүд ч унаад байгаа.

Эко компанийн барилгын лифт унасан хэд хэдэн мэдээлэл гарсантай зэрэгцэн саяхан ТЭСО корпорацийн салбар компанийн барьсан Содон хороололын барилгын лифт унасан талаар тус байрны оршин суугч өөрийн цахим хуудаснаа бичжээ.

Тухайн оршин суугч бичихдээ,

Өчигдөр 101-р байрны 1-р орцны лифт 4 давхараас уналаа.
#БАГА_НАСНЫ_2_ЖООХОН_ХҮҮХЭДТЭЙГЭЭ_ЯВЖ_БАЙХАД_ШҮҮ
Ууц нуруу өвдөөд,дотор муухайрч толгой эргээд хэрэг алга өчнөөн мөнгө төгрөг сар болгон аваад л байдаг үргэлж л гацсан, эвдэрсэн, доошоо унасан … гэх асуудалтай байх юмаа.
Содон Хорооллын СӨХ энэ асуудлаа шийдэж өг.
Та нарын хариуцлагагүйгээс болоод эрүүл мэндээрээ хохирч байна. Гэр орондоо эрүүл аюулгүй амьдрах ч арга алга .Арай ч дээ. Сар бүр бидний төлөөд байдаг мөнгөөр юу хийдэг юм бэ. Рентен зураг авахуулаад барьж очихоос арай ч дээ.Хохирол барагдуулаарай гэсэн байв.

Энэ постны доор мөн тус байрны оршин суугчид ч өмнө ийм зүйл тохиолдол байсан талаар гомдол мэдүүлсэн байв. Ямартаа ч энэ мэт асуудал сүүлийн үед мэр сэр гарах боллоо. Барилга барьж буй компаниуд цаашид лифтний аюулгүй байдалд анхаарал хандуулахгүй бол нэг л өдөр хүний аминд хүрэх вий гэсэн сэрэмжлүүлэг хүргэх үүднээс энэхүү мэдээллийг хүргэж байна. Түүнчлэн холбогдох мэргэжлийн байгууллагад тус байрны лифтэнд шалгалт хийх хэрэгтэй болов уу.