Рианна шүтэн бишрэгчдээ хүчирхийлүүлэх шахжээ

Дуучин Рианна Лос Анжелес дахь тансаг байшингаа зарах гэж байгаа гэсэн мэдээлэл өчигдрөөс цацагдлаа. хамгаалалт муутай энэхүү байшин нь дуучныг шүтэн бишрэгчийнх нь хүчирхийллийн золиос болгох шахсан учир тэрээр дургүй болж, улмаар зарж байгаа гэнэ.

Энэ оны тавдугаар сард Рианнагийн шүтэн бишрэгч Эдуардо Леон гэгч тэрхүү байшинд нэвтрэн орсон бөгөөд гэрт нь 12 цагийн турш байсан нь тогтоогдсон юм. тэрээр энэ хооронд өрөөнүүдээр чөлөөтэй сэлгүүцэж, хөргөгч ухах зэргээр гэртээ байгаа мэт аашилсан байдаг. Тэрээр цагдаагийнханд баригдсаныхаа дараа өгсөн мэдүүлэгтээ дуучинтай секс хийх зорилгоор гэрт нь нэвтэрсэн гэж өгүүлсэн байдаг юм. хэрвээ Рианна тэр үед Нью Йоркт ажилтай байж таараагүй бол шүтэн бишрэгчдээ хүчирхийлүүлэх байсан нь тодорхой болсон юм.

Рианна тэр явдлаас хойш байшиндаа нэг ч ирээгүй бөгөөд одоо зарах гэж байгаа нь энэ юм. Ноднин 6.7 сая ам.доллараар авсан байшингаа тэрээр 7.3 саяар зарах гэнэ.

eagle.mn