50 юаний дэвсгэртийг шинээр хэвлүүлжээ

 Хятадын Ардын банк тус улсын мөнгөн тэмдэгт болох юанийг хэвлэн гаргасны 70 жилийн ойд зориулж шинээр зоосон болон цаасан дурсгалын мөнгөн тэмдэгт гаргаж буйгаа мэдэгдлээ. Тодруулбал, 50 юанийн цаасан дэвсгэрт гаргажээ. Тус мөнгөн тэмдэгт нь улбар шар өнгөтэй, нүүрэн талд нь модны насыг илтгэх цариг болон анхны цаасан мөнгөн тэмдэгт хэвлэлтийн хэсгээс төлөөлөл болгон оруулсан байна. Харин ар талд нь Хятадын Ардын банкны байр, мандарваа цэцгийг дүрсэлжээ. Мөн тус 50 юанийн цаасан тэмдэгтийг 120 сая ширхэг хэвлэн тараах бөгөөд одоо хэрэглэж буй 50 юанийн дэвсгэрттэй үнэ цэнийн хувьд ижил байх юм.